بالفيديو:"تصريحات شيرين عبد الوهاب النارية ضد حسام حبيب تثير الجدل" سحلني حبسني وحلق شعري"

بالفيديو:"تصريحات شيرين عبد الوهاب النارية ضد حسام حبيب تثير الجدل" سحلني حبسني وحلق شعري"

أطلقت النجمة شيرين عبد الوهاب عدة تصريحات نارية ضد زوجها السابق حسام حبيب، خلال مداخلة هاتفية مع الإعلامية لميس الحديدى فى برنامج كلمة أخيرة والذى يذاع على قناة أون الفضائية.

 

شيرين عبد الوهاب لم تكتفِ بتصريحات ضد حسام حبيب، بل إنه خانها التعبير فأساءت لـ الموسيقار الراحل حسن أبو السعود، وهو ما استدعى أسرته للرد عليها فى بيان عاجل.

 

وقالت الفنانة شيرين عبد الوهاب لـ لميس الحديدى، إنها تريد أن تستغفر الله تعالى على "الكذب اللى كذبته عشان أخلى صورة إنسان تبقى كويسة" مشيرة إلى زوجها السابق حسام حبيب.

تصريحات شيرين عبد الوهاب ضد حسام حبيب

وأضافت شيرين عبد الوهاب: "حسام حبيب ضربنى وسحلنى على الأرض وهو اللى حلق لى شعرى، وأنا عاوزة حقى منه"، مستطردة: "أنا بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى".

 

وتابعت شيرين عبد الوهاب: "كنت عايشة مع زوج مش بيشتغل تقريبًا، ولا بيخرج ولا بيشوف أهله ولا أصحابه وكل همه حب الامتلاك، وكنت محبوسة 24 ساعة فى أوضة نومى مش بعمل حاجة، قاعدة بس.. أنا كنت عايشة زى الفئران فى المصيدة".

 

واستطردت شيرين موجهة الاتهامات لـ زوجها السابق حسام حبيب، قائلة: "حسام حبيب سرق العربية من قدام البيت مستغلا تواجدى فى الساحل.. وكنت متكفلة بمصاريف بيته التانى واللى فيه والد حسام حبيب ووالدته.. طول عمره ما بيشتغلش، وأهله باصين لى فى كل حاجة".

 

وتابعت: "حسام حبيب طلب 10% من أرباح شغلى"، معلقة: "أنا اتجوز قرد وما أرجعش ليه تانى"، واستطردت: "أنا أستاهل الضرب عشان طلعت قولت مابيخدش منى فلوس أنا آسفة للناس عشان كدبت عليهم، وهتعب عشان أرجع تانى شيرين اللى ضيعتها".

وقالت شيرين عبد الوهاب فى اتهام آخر لـ حسام حبيب: "حسام حمل السلاح فى وجهى وفى وجه بناتى.. عيالى كانوا هينضربوا بالرصاص، قبلها بيومين قاعدين فى الأوضة، طلع من الدرج علبة فيها رصاص، وراح مدينى رصاصة وقال لى خدى دى منى هدية!، والحمد لله إنى لسه عايشة".

 

وأضافت: "اللى حصل بعد ما هديت من الكارثة حسيت إن أنا مش قادرة أستغنى عنه وأديله فرصة تانية، ورجعت فقولنا ندى فرصة تانى وشروط، وبناتى فى بيت تانى ونشتغل، إلا أن الوعود ابتدت تتلاشى والمشاكل رجعت تانى"، مستطردة: "كل خناقة تحصل ما بينا يحرق دمى لحد ما أمسك المكنة وأحلق شعرى".

 

رد حسام حبيب على شيرين عبد الوهاب

رد الفنان حسام حبيب، على التصريحات النارية التى أدلت بها زوجته السابقة النجمة شيرين عبدالوهاب، فى برنامج كلمة أخيرة مع الإعلامية لميس الحديدى، والذى يذاع على قناة أون الفضائية.

 

ونشر برنامج "et بالعربى"، على صفحته الرسمية على موقع التدوينات القصيرة "تويتر"، تسجيلا صوتيا لـ حسام حبيب، يرد فيه على تصريحات شيرين عبد الوهاب، مؤكدا أنه قرر اللجوء للإجراءات القانونية للحصول على حقه على أثر هذه التصريحات.

 

وأضاف حسام حبيب: "هيكون فيه إجراء قانونى.. أنا عمرى ما دافعت عن نفسى.. الكلام اللى أنا هرد بيه كلام كله بوثائق، مش هقول كلام مرسل، كل حاجة دلوقتى بحضرها"، مستطردا: "أنا كنت ساكت حفاظا على شيرين وسمعتها، وعلى بيتها".

شيرين عبد الوهاب تسىء للموسيقار حسن ابو السعود

وفى سياق متصل، أصدرت أسرة الموسيقار الراحل حسن أبو السعود، بيانا عاجلا ردا على تصريحات النجمة شيرين عبدالوهاب، مع الإعلامية لميس الحديدى والتى سخرت فيها من وزن الموسيقار الراحل.

 

وقالت أسرة حسن ابو السعود فى بيانها: "فى ميزان الإنسانية إيه قيمة الموهبة إذا اقترنت بالإساءة والأذى؟.. التنمر والسخرية من الناس عيب.. بس العار الحقيقى التنمر والسخرية من شخص ميت، ومش هنقول شخص واكلين معاه عيش وملح وله فضل علينا.. لأن قليل الأصل ممكن يتناسى وينكر ده عادى، لأن الإساءة لشخص ميت مستوى أكثر انحدارا من الشر والدناءة".

 

وأضافت أسرة حسن ابو السعود: "وقت الحساب..المسىء حيقول لربنا إيه؟.. حيقوله لأ متحاسبنيش إنى بتريق على ميت وبجرحه وبجرح محبيه وأسرته، أصل أنا موهوب أو مشهور أو غنى؟ لأ متحاسبنيش أصل أنا أحسن فنان فى الكون؟؟".

شيرين عبد الوهاب وحسن ابو السعود

وتابعت أسرة حسن ابو السعود: "للأسف المسىء فى ابتلاء شديد، مش فاهم انه عمال يحفر ويوسع فى الحفرة لنفسه.. للأسف الشر زايد وقلة الأصل زايدة وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء.. ميزان وبيتملى..ربنا يجعل وجع قلبى ودعائى الليلة دى وليالى قبلها بسبب".

 

وذكرت شيرين عبد الوهاب الموسيقار الراحل حسن أبو السعود بألفاظ اعتبرتها أسرته أنها مسيئة، حيث قالت: "أنا ما أدمنتش الأدوية زى ما أبوه بيقول.. ولو كنت أدمنت الأدوية وتعبت وتخنت.. فده عشان حياتى معاه.. أنا كنت زى البدر، ولما عاشرته، بقيت شبه حسن أبو السعود.. لكن خلاص أنا مش فاضياله دلوقت، وبحضَّر أحلى أغانى، وأحلى فيلم.. وفيه دنيا مستنيانى وعالم تانى".