recent
أخبار ساخنة

هلا شيحا تهاجم تامر حسني لنشره فيديو كليب ذات لقطات رومنسية في الأيام الفضيلة والأخير:" أنا عمري ما وعدتك"

 هلا شيحا تهاجم تامر حسني لنشره فيديو كليب ذات لقطات رومنسية في الأيام الفضيلة والأخير:" أنا عمري ما وعدتك"


https://www.nojoomelfan.com/2021/07/Hala-Shi7a-Tamer-Hosney.html

هاجمت الممثلة المصرية هلا شيحا النجم تامر حسني جمهوره كليب من آخر أفلامه، جمع بينهما في مشاهد رومانسية، فقالت:" "انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي".

هذا الهجوم استوجب رداً من النجم تامر حسني الذي أعرب عن أسفه للإسلوب التي اتبعته شيحا في العتاب بدل محادثته بشكل منفرد وليس عبر مواقع التواصل الاجتماعي حيث أكد أنه لا بد من أن الرّد سيأتي على ذات المنصة التي استخدمتها للهجوم عليه وقال:" رداً على حلا شيحة كاتباً:" أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف".

وأضاف حسنى:"الحقيقه اني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله 3 أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟ منطق غريب فعلاً يا حلا".

وتابع تامر حسنى:"وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك وبمنتهى الرضا ولاّ حد أجبرك ؟!!!!!! وللتوضيح للجمهور الكريم أنا والمخرجة الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!!".

واستكمل تامر حسنى:"بقيتي تقفلي تليفوناتك وتكنسلي علينا كلنا و بعدين أي فيلم بيبقى ليه خطه مسبقه في الدعايه وانتي عارفاها كويس ووافقتي عليها ودا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين".

 

 

 

 

 

google-playkhamsatmostaqltradent